కూసుమంచిలో కాంగ్రెస్ 141వ ఆవిర్భావ దినోత్సవం

ఖమ్మం:స్థానిక ప్రతినిధి జనార్ధన్:

భారత జాతీయ కాంగ్రెస్ 141వ ఆవిర్భావ దినోత్సవాన్ని కూసుమంచి మండల కేంద్రంలోని రాజీవ్ చౌక్‌లో ఘనంగా నిర్వహించారు. సీనియర్ కాంగ్రెస్ నాయకుడు మహ్మద్ హఫీజుద్దీన్ ఆధ్వర్యంలో జెండా ఆవిష్కరణ కార్యక్రమం జరిగింది.

ఈ కార్యక్రమంలో కూసుమంచి గ్రామ సర్పంచ్ కొండా కృష్ణవేణి, ఉప సర్పంచ్ చెన్ను వెంకటరమణ, యువజన నాయకులు బెల్లంకొండ శరత్‌కుమార్‌తో పాటు పలువురు కాంగ్రెస్ నాయకులు, సీనియర్ నాయకులు, వార్డు సభ్యులు పాల్గొన్నారు. మండలంలోని వివిధ గ్రామాల నుంచి సర్పంచులు, వార్డు సభ్యులు హాజరయ్యారు.

కార్యక్రమానికి ముందు ఇటీవల ఎన్నికైన నూతన సర్పంచులు, వార్డు సభ్యులను మూడు రంగుల కండువాలతో సన్మానించి అభినందించారు. జెండా ఆవిష్కరణ అనంతరం ఉపాధిహామీ పథకం పేరు మార్పుపై కేంద్ర ప్రభుత్వం తీసుకున్న నిర్ణయాన్ని ఖండిస్తూ కాంగ్రెస్ నాయకులు రోడ్డుపై బైఠాయించి నిరసన తెలిపారు.