రోడ్డు భద్రతపై అవగాహనకు శ్రీకారం చుట్టిన సర్పంచ్ సుందర్

చిట్యాల మండలం చిన్న కాపర్తి గ్రామంలో జన్మదిన వేడుకలకు కొత్త అర్థం ఇచ్చే కార్యక్రమానికి శ్రీకారం చుట్టారు గ్రామ సర్పంచ్ ఆవుల సుందర్. ద్విచక్ర వాహనాలు నడిపేటప్పుడు ప్రతి ఒక్కరూ బాధ్యతగా హెల్మెట్ ధరించి ప్రమాదాల బారిన పడకుండా జాగ్రత్తపడాలని గ్రామ ప్రజలకు ఆయన పిలుపునిచ్చారు.

మాజీ వార్డ్ మెంబర్ హెచ్. స్వామి జన్మదినాన్ని పురస్కరించుకుని ఆయనకు హెల్మెట్‌తో పాటు పూల మొక్కను అందజేసి ఈ కార్యక్రమాన్ని ప్రారంభించారు. ఇకపై గ్రామంలో ఎవరి జన్మదినమైనా వారికి హెల్మెట్ మరియు ఒక పూల మొక్కను అందజేసే కార్యక్రమాన్ని కొనసాగిస్తామని సర్పంచ్ ఆవుల సుందర్ తెలిపారు. రోడ్డు భద్రతతో పాటు పర్యావరణ పరిరక్షణపై అవగాహన పెంచడం ఈ కార్యక్రమం ముఖ్య ఉద్దేశమని చెప్పారు.ఈ కార్యక్రమంలో జిల్లా మహిళా సంఘాల అధ్యక్షురాలు ఆవుల మాధవి సుందర్, సామాజిక కార్యకర్త పొలిమేర దశరథ, కాంగ్రెస్ నాయకులు పొలిమేర శంకర్, ఇతర ప్రజాప్రతినిధులు మరియు గ్రామస్థులు పాల్గొన్నారు.