నేడు విడుదలైన ఇంటర్మీడియట్ ఫలితాల్లో చౌటుప్పల్‌లోని శ్రీ గాయత్రి జూనియర్ కళాశాల విద్యార్థులు అద్భుత ప్రతిభ కనబరిచి స్టేట్ లెవల్ ర్యాంకులతో విజయకేతనం ఎగురవేశారు. ప్రథమ, ద్వితీయ సంవత్సరాల్లో అత్యుత్తమ మార్కులతో విద్యార్థులు తమ సత్తా చాటారు.

​ప్రథమ సంవత్సరం (I Year):

​MPC: రాచమల్ల కావ్య శ్రీ, పందుల అక్షిత, కొయ్యడ పూజ (467/470), ఎర్రగోని అక్షయ, పరిధామ్ శివకుమార్, అన్రెడ్డి అక్షిత (466/470) టాప్ మార్కులు సాధించారు.

​BiPC: సి.హెచ్. గాయత్రి (437/440) అగ్రస్థానంలో నిలవగా, ఉజ్వల హర్షిత, ఎస్.డి. ఆస్పియా (436/440) తర్వాతి స్థానాల్లో నిలిచారు.​CEC: రాపోలు వర్షిత (484/500) ఘన విజయం సాధించారు. ​ద్వితీయ సంవత్సరం (II Year):​MPC: కత్తుల లీలాదిత్య (995/1000) ఏం లిఖిత (994/1000) వనం తన్విజ (993/1000)విద్యార్థులు 995, 994, 993 మార్కులతో అదరగొట్టారు.​BiPC: 991, 989 మార్కులతో విద్యార్థులు రాణించారు. ​CEC: 930, 927 మార్కులతో అత్యుత్తమ ఫలితాలు నమోదయ్యాయి. ద్వితీయ సంవత్సరంలో 900 మార్కులకు పైగా 112 మంది, ప్రథమ సంవత్సరంలో 400 మార్కులకు పైగా 117 మంది విద్యార్థులు ఉత్తీర్ణత సాధించడం కళాశాల రికార్డును చాటిచెబుతోంది.​ఈ సందర్భంగా ఏర్పాటు చేసిన అభినందన సభలో కళాశాల కరస్పాండెంట్ భీమిడి సుబాష్ రెడ్డి మాట్లాడుతూ.. "క్రమశిక్షణ, విలువలతో కూడిన బోధన వల్లే ఈ విజయం సాధ్యమైంది. విద్యార్థుల కష్టం, అధ్యాపకుల అంకితభావం, తల్లిదండ్రుల సహకారం మరువలేనివి" అని కొనియాడారు.​కళాశాల చైర్మన్ బండారు మయూర్ రెడ్డి మాట్లాడుతూ.. "విద్యార్థులు సాధించిన ఈ ఘనత మాకు ఎంతో గర్వకారణం. కేవలం మార్కులే కాకుండా, రేపటి సమాజంలో ఉత్తమ పౌరులుగా ఎదగడమే మా లక్ష్యం" అని ఆకాంక్షించారు. అనంతరం విద్యార్థులను పుష్పగుచ్చాలతో సత్కరించి, మిఠాయిలు పంపిణీ చేశారు. ఈ కార్యక్రమంలో ప్రిన్సిపాల్ దయాకర్, అధ్యాపక బృందం, విద్యార్థులు పాల్గొన్నారు.