ఎంపీసీ, బైపీసీ విభాగాల్లో రాష్ట్ర స్థాయి ర్యాంకులతో ప్రభంజనం..

​నల్లగొండ : రాష్ట్ర ప్రభుత్వం ఆదివారం విడుదల చేసిన ఇంటర్మీడియట్ ఫలితాల్లో నల్లగొండలోని ఎస్ఆర్ పీజేసీ బ్రాంచ్ విద్యార్థులు అద్భుత ప్రతిభ కనబరిచి స్టేట్ ర్యాంకులతో సత్తా చాటారు. అటు ప్రథమ సంవత్సరం, ఇటు ద్వితీయ సంవత్సర ఫలితాల్లో అత్యుత్తమ మార్కులు సాధించి విద్యాసంస్థల కీర్తిని రాష్ట్రస్థాయిలో ఇనుమడింపజేశారు. ఇంటర్ ప్రథమ సంవత్సర ఎంపీసీ విభాగంలో జీలకుంట్ల నమిక, ఆకవరం శివానిలు 470 మార్కులకు గాను 467 మార్కులు సాధించి రాష్ట్ర స్థాయిలో మొదటి ర్యాంకును కైవసం చేసుకున్నారు. అదే విభాగంలో కొలగట్ల నవనీత 466 మార్కులు సాధించగా, శీలం నిశాంత్, శ్రీ చరణ్, కొప్పు కృత్య, జోగు మధు కిషోర్ లు తలో 465 మార్కులతో మెరిసి తమ విద్వత్తును చాటారు.

అటు బైపీసీ ప్రథమ సంవత్సరంలో పసుపులేటి కిర్తన 440 మార్కులకు గాను 437 మార్కులు సాధించి రాష్ట్ర స్థాయిలో అగ్రస్థానంలో నిలిచింది. కన్నెకంటి శ్రీనిధి 436 మార్కులతో, వేముల వికాస్ 434 మార్కులతో, మేక సౌమ్య 432 మార్కులతో తమ ప్రతిభను చాటుకున్నారు. సీనియర్ ఇంటర్ ఫలితాల్లోనూ ఎస్ఆర్ విద్యార్థుల జోరు కొనసాగింది. బైపీసీ విభాగంలో నర్సింగ్ సాయి కిరణ్ 1000 మార్కులకు గాను 995 మార్కులు సాధించి రాష్ట్ర స్థాయి ర్యాంకును సొంతం చేసుకున్నారు. అలకుంట్ల అనూష 994 మార్కులతో అద్భుతమైన స్కోరు సాధించారు. ఎంపీసీ విభాగంలో ఎర్ర మాద జ్ఞానేశ్వర్ 992 మార్కులతో సత్తా చాటగా, వీరమళ్ళ రమ్య 991 మార్కులతో, కాసర్ల శ్వేత 990 మార్కులతో ఉత్తమ ర్యాంకులు కైవసం చేసుకున్నారు. గంధమల్ల విష్ణు వర్ధన్ 988 మార్కులు, పువటి సాయి ప్రతాప్ 987 మార్కులతో అత్యుత్తమ ఫలితాలు సాధించిన వారిలో నిలిచారు. రాష్ట్రస్థాయిలో ఘనవిజయం సాధించిన విద్యార్థులను ఎస్ఆర్ విద్యా సంస్థల చైర్మన్ ఏనగందుల వరదారెడ్డి, డైరెక్టర్ సంతోష్ రెడ్డి, సీఈఓ సురేందర్ రెడ్డి ప్రత్యేకంగా అభినందించారు. విద్యార్థుల కఠోర శ్రమకు తోడు అధ్యాపక బృందం అందించిన మెరుగైన శిక్షణ యాజమాన్యం తీసుకున్న ప్రత్యేక శ్రద్ధ వల్లే ఈ అద్భుత ఫలితాలు సాధ్యమయ్యాయని అకడమిక్ డీన్ భరత్ రెడ్డి, నల్లగొండ జోనల్ ఇంచార్జి శ్రీనివాస్ రెడ్డి, ప్రిన్సిపాల్ మనోజ్ రెడ్డి ఈ సందర్భంగా పేర్కొన్నారు. ఈ విజయోత్సవంలో కళాశాల అధ్యాపకులు, సిబ్బంది పాల్గొని విద్యార్థులకు శుభాకాంక్షలు తెలియజేశారు.