బాధిత కుటుంబానికి అండగా రెండో వార్డు కౌన్సిలర్ షేక్ షబానా అజయ్

చిట్యాల మున్సిపాలిటీ రెండో వార్డులో భారీ ఈదురుగాలులకు చింతపల్లి నరేష్ ఇంటి పైకప్పు పూర్తిగా ధ్వంసమైన ఘటన స్థానికంగా కలకలం రేపింది. బలమైన గాలుల ప్రభావంతో ఇంటి పైకప్పు ఎగిరిపోవడంతో ఇంట్లోని సామగ్రి కూడా దెబ్బతిన్నట్లు తెలిసింది.

ఘటన సమాచారం అందుకున్న వెంటనే రెండో వార్డు కౌన్సిలర్ షేక్ షబానా అజీమ్ బాధిత కుటుంబాన్ని పరామర్శించారు. కుటుంబ సభ్యులకు ధైర్యం చెప్పడంతో పాటు అవసరమైన సహాయ సహకారాలు అందిస్తామని హామీ ఇచ్చారు.

స్థానిక ప్రజాప్రతినిధులు, కాలనీవాసులతో కలిసి ఘటన స్థలాన్ని పరిశీలించి నష్టాన్ని అంచనా వేశారు.

ఈ సందర్భంగా కౌన్సిలర్ మాట్లాడుతూ ప్రకృతి విపత్తులతో నష్టపోయిన కుటుంబాలను ప్రభుత్వం ఆదుకోవాలని కోరారు. బాధిత కుటుంబానికి అత్యవసర సహాయం అందించేందుకు చర్యలు తీసుకుంటామని తెలిపారు.