కోహిర్–మద్రి ఎక్స్‌రోడ్ రహదారిని వెంటనే మరమ్మతు చేయాలని యువజన కాంగ్రెస్ నాయకులు జి. శివ సాయి ముదిరాజ్, తరహా పాటిల్ ప్రభుత్వాన్ని కోరారు. జహీరాబాద్ నియోజకవర్గంలోని కొహిర్ మండలం నుంచి మద్రి ఎక్స్‌రోడ్ వరకు ఉన్న రహదారి పూర్తిగా దెబ్బతిని గుంతలమయంగా మారడంతో ప్రజలు తీవ్ర ఇబ్బందులు ఎదుర్కొంటున్నారని తెలిపారు. ఈ రహదారిపై నిత్యం ప్రయాణించే విద్యార్థులు, రైతులు, ఉద్యోగులు, వాహనదారులు ప్రమాదకర పరిస్థితుల్లో ప్రయాణించాల్సి వస్తోందని ఆవేదన వ్యక్తం చేశారు. ఈ సమస్యను పరిష్కరించడంలో ప్రజాప్రతినిధులు, సంబంధిత అధికారులు నిర్లక్ష్యం వహిస్తున్నారని విమర్శించారు. వెంటనే స్పందించి కొహిర్–మద్రి ఎక్స్‌రోడ్‌ను అత్యవసరంగా మరమ్మతు చేసి ప్రజలకు సురక్షితమైన, మెరుగైన రవాణా సౌకర్యం కల్పించాలని వారు ప్రభుత్వాన్ని డిమాండ్ చేశారు.