పూజలో పాల్గొన్న అంతటి విజయ-బిక్షపతి దంపతులు

చౌటుప్పల్ మండలం పంతంగి గ్రామంలో శ్రీ గణేష్ నవరాత్రి ఉత్సవాలు కన్నులపండువగా సాగుతున్నాయి. ఉత్సవాల్లో భాగంగా ఏడవ రోజు ఆదివారం శ్రీ వినాయక స్వామివారికి ప్రత్యేక పూజా కార్యక్రమాలను అత్యంత ఘనంగా నిర్వహించారు.​ఈ సందర్భంగా గ్రామానికి చెందిన అంతటి విజయ-బిక్షపతి దంపతులు కుటుంబ సమేతంగా పూజలో పాల్గొని, స్వామివారికి భక్తిశ్రద్ధలతో అర్చనలు, విశేష ధూపదీప నైవేద్యాలు, హారతులు సమర్పించారు. గణపయ్యను దర్శించుకునేందుకు గ్రామ ప్రజలు, భక్తులు పెద్ద సంఖ్యలో తరలివచ్చారు. ​పూజా కార్యక్రమం అనంతరం ఆలయానికి విచ్చేసిన భక్తులందరికీ విజయ-బిక్షపతి దంపతులు తీర్థప్రసాదాలను పంపిణీ చేశారు.ఈ కార్యక్రమంలో ఉత్సవ కమిటీ సభ్యులు, గ్రామ పెద్దలు, యువకులు, భక్తులు విశేషంగా పాల్గొన్నారు.