తుంగతుర్తి మండలం గొట్టిపర్తి గ్రామ శ్రీ ఆంజనేయ స్వామి ఆలయంలో శుక్రవారం నాడు శ్రీరామనవమి ఉత్సవాలు కన్నుల పండుగ అంగరంగ వైభవంగా నిర్వహించారు. కళ్యాణోత్సవంలో భాగంగా స్వామి అమ్మవార్లను ప్రత్యేక మండపంపై పట్టు వస్త్రాలతో అలంకరించి వేదమంత్రాలు నడుమ వేద బ్రాహ్మణులు త్యాగరాజు శర్మ ,సతీష్ శర్మ కళ్యాణ తంతు నిర్వహించారు. ఈ సందర్భంగా భక్తులు జైశ్రీరామ్ జైశ్రీరామ్ అంటూ నినాదాలతో హొరెత్తించారు. కళ్యాణం అనంతరం భక్తులు పెద్ద ఎత్తున స్వామి అమ్మవార్లను దర్శించుకుని ప్రత్యేక పూజలు నిర్వహించారు. అనంతరం స్వామివారి తీర్థ ప్రసాదాలు తీసుకున్నారు.సుఖ సంతోషాలతో ఆయురారోగ్యాలతో పాడిపంటలతో ఉండాలని స్వామివారిని కోరుకున్నారు.ఈ కార్యక్రమంలో శ్రీరామ భక్తులు ,గ్రామ పెద్దలు పాల్గొన్నారు.