నల్గొండ జిల్లా చిట్యాల మండలం పెద్దకాపర్తి గ్రామంలో తీవ్ర విషాదం చోటుచేసుకుంది. గ్రామానికి చెందిన గాజుల రవితేజ అనే యువకుడు ఆదివారం నాడు గడ్డిమందు తాగి ఆత్మహత్యకు పాల్పడ్డాడు. ​స్థానికులు, తెలిపిన వివరాల ప్రకారం. రవితేజ ఆదివారం ఇంట్లో ఎవరూ లేని సమయంలో గడ్డిమందు సేవించాడు అని. గమనించిన కుటుంబ సభ్యులు ఆందోళనతో అతడిని వెంటనే చికిత్స నిమిత్తం రామన్నపేట ప్రభుత్వ ఆసుపత్రికి తరలించారు., అక్కడి నుంచి పరిస్థితి విషమించడంతో మెరుగైన వైద్యం కోసం నల్గొండ ప్రభుత్వ ఆసుపత్రికి తరలిస్తుండగా. ​ రవితేజ ఆరోగ్య పరిస్థితి మరింత క్షీణించడంతో, వైద్యుల సూచన మేరకు కుటుంబ సభ్యులు హైదరాబాద్‌లోని గాంధీ ఆసుపత్రికి తరలించేందుకు ఏర్పాట్లు చేశారు. అయితే, అంబులెన్స్‌లో హైదరాబాద్‌కు తరలిస్తుండగా మార్గమధ్యంలోనే రవితేజ పరిస్థితి విషమించి కన్నుమూశాడు. యువకుడి మరణంతో పెద్దకాపర్తి గ్రామంలో శోకసంద్రం అలుముకుంది. చేతికి వచ్చిన కొడుకు కళ్ల ముందే ప్రాణాలు కోల్పోవడంతో తల్లిదండ్రులు, కుటుంబ సభ్యులు కన్నీరుమున్నీరుగా విలపిస్తున్నారు. రవితేజ ఆత్మహత్యకు గల కారణాలు ఇంకా తెలియరాలేదు.