మున్సిపల్ ఎన్నికల నేపథ్యంలో గురువారం స్టేట్ ఎలక్షన్ కమిషన్ ఆదేశాలమేరకుచిట్యాలపట్టణంని జిల్లా పరిషత్ ఉన్నత పాఠశాలలో ఎన్నికల విధులు నిర్వహించే సిబ్బందికి శిక్షణ కార్యక్రమం నిర్వహించారు.ఈ శిక్షణలో పోలింగ్అధికారులుగా విధులు నిర్వహించే పీఓలు, ఏపీఓలు, మున్సిపల్ సిబ్బందికి మాస్టర్ ట్రైనర్ల ఆధ్వర్యంలో ఎన్నికల విధులు, నిబంధనలపై అవగాహన కల్పించారు.ఈ సందర్భంగా చిట్యాల మున్సిపల్ కమిషనర్ దండు శ్రీను మాట్లాడుతూ, ఎన్నికలు స్వేచ్ఛాయుతంగా, నిష్పక్షపాతంగా నిర్వహించేందుకు సిబ్బంది అందరూ విధుల్లో అప్రమత్తంగా ఉండాలని సూచించారు. శిక్షణను పూర్తిస్థాయిలో వినియోగించుకుని ఎన్నికల నిర్వహణలో ఎలాంటి పొరపాట్లకు తావు ఇవ్వకుండా పనిచేయాలని తెలిపారు.