పెద్దకాపర్తిలో కళ్యాణ మహోత్సవాల సందడి ప్రారంభం

చిట్యాల మండలం పరిధిలోని పెద్దకాపర్తి గ్రామం ఆధ్యాత్మిక వాతావరణంతో మార్మోగింది. శ్రీ భూ సమేత తిరుమలనాద స్వామి వారి కళ్యాణ మహోత్సవాలకు తొలి అడుగుగా కళ్యాణ పత్రికను నకిరేకల్ ఎమ్మెల్యే వేముల వీరేశం కు అందజేసి, జాతర గోడ పత్రికను ఘనంగా విడుదల చేశారు.

ఈ సందర్భంగా ఎమ్మెల్యే మాట్లాడుతూ, పెద్దకాపర్తి గ్రామ జాతర ప్రాంతీయ ఆధ్యాత్మిక సంప్రదాయాలకు ప్రతీకగా నిలుస్తోందన్నారు. భక్తుల రాకపోకలకు ఎలాంటి ఇబ్బందులు కలగకుండా అవసరమైన మౌలిక వసతులు కల్పించేందుకు పూర్తి సహకారం అందిస్తామని హామీ ఇచ్చారు. గ్రామస్తుల ఐక్యత, భక్తిశ్రద్ధలతో జాతర మరింత వైభవంగా జరుగుతుందని ఆయన ఆశాభావం వ్యక్తం చేశారు.

కార్యక్రమంలో సర్పంచుల ఫోరం అధ్యక్షుడు కాటం వెంకటేశం, ఉపసర్పంచ్ ఓర్సు సైదులు, ఏర్పుల కుర్రు యాదయ్య, సాగర్ల నాగరాజు, నవ్యశ్రీ, ఆనగంటి నరేష్, పూజ, మర్రి హరీష్ రెడ్డి తదితరులు పాల్గొన్నారు. దేవస్థాన డైరెక్టర్లు ఏర్పుల యాదమ్మ, నరసింహ, జిల్లా నరసింహ, ఎద్దుల అజిత్ రెడ్డి, మాజీ చైర్మన్ తెలుసూరి సైదులు, మాజీ ఉపసర్పంచ్ నూతి వెంకటేశం, సత్యశ్రీ గుజ్జర్ యాదగిరి, రాసి మల్ల జానయ్య, భైరవని బిక్షం, బుంగపాట్ల తిమ్మయ్య, శిరస్సు ఇదయ్య తదితరులు హాజరయ్యారు.

గ్రామంలో కళ్యాణ మహోత్సవాల సందడి ప్రారంభమవడంతో భక్తుల్లో ఆనందోత్సాహాలు వెల్లివిరిశాయి. జాతర ఏర్పాట్లను నిర్వాహకులు వేగవంతం చేస్తున్నారు.