న్యాల్కల్: సంగారెడ్డి జిల్లా జహీరాబాద్ నియోజకవర్గం న్యాల్కల్ మండల కేంద్రంలోని ప్రాథమిక ఆరోగ్య కేంద్రం(పీహెచ్‌సీ)లో ఏళ్లుగా ఉన్న మౌలిక సదుపాయాల సమస్యలకు పరిష్కారం లభించింది.రూ.16 లక్షల CCR నిధులతో చేపట్టిన అభివృద్ధి పనులు పూర్తయ్యాయి.పీహెచ్‌సీలో దీర్ఘకాలంగా ఉన్న మరుగుదొడ్ల సమస్య,శిథిలావస్థలో ఉన్న పైకప్పు,తాగునీటి సౌకర్యం లేకపోవడం,సమావేశ భవనం కొరత వంటి సమస్యలను పరిష్కరించేందుకు ఈ పనులు చేపట్టారు.ఉన్నతాధికారుల స్పందనతో మరుగుదొడ్ల మరమ్మతులు,పైకప్పు పునరుద్ధరణ,తాగునీటి సౌకర్యం కల్పించడం,సమావేశ భవనం నిర్మాణం పూర్తయ్యాయి.ఈ అభివృద్ధి పనులను జిల్లా వైద్య ఆరోగ్య శాఖ అధికారి(DMHO)శుక్రవారం ప్రారంభించారు .దీంతో పీహెచ్‌సీలో వైద్య సేవలు మరింత మెరుగుపడటంతో పాటు,వైద్య సిబ్బంది ఎదుర్కొంటున్న ఇబ్బందులు తగ్గనున్నాయని స్థానికులు హర్షం వ్యక్తం చేశారు.