రామన్నపేట జూనియర్ సివిల్ జడ్జి కోర్టుకు నూతన ఏజీపీగా సుక్క శ్రవణ్ కుమార్

శాలువాతో సత్కరించిన రాపోలు నరసింహా

రామన్నపేట స్థానికం ప్రధాన ప్రతినిధి

రామన్నపేట జూనియర్ సివిల్ జడ్జి కోర్టులో నూతన అసిస్టెంట్ గవర్నమెంట్ ప్లీడర్‌గా సిరిపురం గ్రామానికి చెందిన సుక్క శ్రవణ్ కుమార్ నియామకమైన సందర్భంగా తెలంగాణ తెలుగుదేశం పార్టీ రాష్ట్ర మాజీ కార్యదర్శి రాపోలు నరసింహా శాలువాతో సత్కరించారు.

ఈ సందర్భంగా రాపోలు నరసింహా మాట్లాడుతూ, శ్రవణ్ కుమార్ చిన్ననాటి నుంచే కష్టపడే స్వభావం కలిగిన వ్యక్తి అని తెలిపారు. ఒకవైపు సామాజిక కార్యక్రమాల్లో చురుకుగా పాల్గొంటూ, మరోవైపు న్యాయవాద వృత్తిలో నిబద్ధతతో రాణించడం ద్వారా ప్రభుత్వ అసిస్టెంట్ ప్లీడర్‌గా నియామకం పొందడం ఆనందకరమని అన్నారు. భవిష్యత్తులో ఇంకా ఉన్నత స్థాయిలో రాణించాలని ఆకాంక్షించారు.

ఈ కార్యక్రమంలో మాజీ ఉపసర్పంచ్, తెలుగుదేశం పార్టీ రామన్నపేట బీసీ సెల్ మండల అధ్యక్షుడు పున్న వెంకటేశం, శివాలయం చైర్మన్ రాపోలు రమేష్, మాజీ వార్డు సభ్యుడు సాయిని శేఖర్, చేనేత సహకార సంఘం డైరెక్టర్ గుండు రాజు, గజం నరసింహా తదితరులు పాల్గొన్నారు.