భూపాలపల్లి: పరీక్షా కేంద్రాల వద్ద విద్యార్థినులను వేధిస్తున్న ఆకతాయిల ఆట కట్టించేందుకు టేకుమట్ల మహిళా ఎస్ ఐ అమూల్య వినూత్నంగా వ్యవహరించారు.

ఖాకీ యూనిఫాం వదిలి, విద్యార్థిని వేషధారణలో పరీక్షా కేంద్రం వద్ద ప్రత్యక్షమయ్యారు. ఎరుపు రంగు డ్రెస్సులో చేతిలో పుస్తకాలు పట్టుకుని సాధారణ విద్యార్థినిలా అక్కడికి వెళ్లి పరిస్థితులను గమనించారు.

ఈ చర్యతో ఆకతాయిల కదలికలను గుర్తించి, వారిపై చర్యలు తీసుకునేందుకు పోలీసులకు వీలు కలిగిందని సమాచారం. ఎస్సై అమూల్య ధైర్యం, సమయస్ఫూర్తిని స్థానికులు అభినందిస్తున్నారు.

పోలీసులు ఏ రూపంలోనైనా ప్రజల భద్రత కోసం సిద్ధంగా ఉంటారని ఈ ఘటనతో స్పష్టమైందని వారు పేర్కొన్నారు.