వలిగొండ మండలంలోని లింగరాజుపల్లి గ్రామంలో 77వ గణతంత్ర దినోత్సవాన్ని ఘనంగా నిర్వహించారు. ఈ సందర్భంగా గ్రామానికి చెందిన గంధ మల్ల సాయి కృష్ణ గారు ప్రాథమిక పాఠశాల మరియు అంగన్వాడి కేంద్రానికి చెందిన విద్యార్థులకు స్కూల్ బ్యాగులను పంపిణీ చేశారు. ఈ కార్యక్రమంలో గ్రామ సర్పంచ్ బొడిగ లింగస్వామి గౌడ్ గారు ముఖ్య అతిథిగా పాల్గొని విద్యార్థులను ప్రోత్సహించారు. విద్య అనేది పిల్లల భవిష్యత్తుకు పునాది అని పేర్కొంటూ ఇలాంటి సేవా కార్యక్రమాలు అభినందనీయమని ఆయన అన్నారు. కార్యక్రమంలో గ్రామ పెద్దలు, స్థానికులు, ఉపాధ్యాయులు తదితరులు పాల్గొని జాతీయ పండుగను ఉత్సాహంగా జరుపుకున్నారు.