చిట్యాల :

చిట్యాల మండలం వెలిమినేడు గ్రామంలో సంక్రాంతి పండుగను పురస్కరించుకుని డివైఎఫ్ఐ, ఎస్ఎఫ్ఐ గ్రామ కమిటీల ఆధ్వర్యంలో సంక్రాంతి క్రీడా పోటీలను ఘనంగా ప్రారంభించారు.క్రీడల ప్రారంభోత్సవంగా గ్రామ సర్పంచ్ బొంతల చంద్రారెడ్డి క్రీడల జెండాను, డివైఎఫ్ఐ జిల్లా కార్యదర్శి మల్లం మహేష్ డివైఎఫ్ఐ జెండాను ఆవిష్కరించారు. అనంతరం ముగ్గుల పోటీలను డివైఎఫ్ఐ రాష్ట్ర కమిటీ సభ్యురాలు జిట్ట సరోజ, మాజీ ఎంపిటిసి దేశబోయిన స్వరూప ప్రారంభించారు.ఈ సందర్భంగా నాయకులు మాట్లాడుతూ…ప్రతి సంవత్సరం సంక్రాంతి పండుగ సందర్భంగా వెలిమినేడు గ్రామంలో ముగ్గుల పోటీలు, కబడ్డీ, వాలీబాల్, క్రికెట్ తదితర క్రీడలను ఆనవాయితీగా నిర్వహిస్తున్నామని తెలిపారు. గ్రామీణ క్రీడలు యువతలో ఐక్యత, ఆరోగ్యం, క్రీడాస్ఫూర్తిని పెంపొందిస్తాయని పేర్కొంటూ, గ్రామ యువతీ యువకులు ఈ క్రీడలను విజయవంతం చేయాలని కోరారు.

ఈ కార్యక్రమంలో సీఐటీయూ జిల్లా కమిటీ సభ్యులు జిట్టా నాగేష్, మాజీ ఎంపిటిసీలు ఆరూరి శ్రీను, నెలికంటి నరసింహ, ఎనిమిదో వార్డు సభ్యులు నాతి కిరణ్, డివైఎఫ్ఐ మండల అధ్యక్షులు పంది నరేష్, మండల ఉపాధ్యక్షులు కూనూరు గణేష్, గోలి సాయికిరణ్, ఎస్ఎఫ్ఐ మండల కార్యదర్శి ఆరూరి ప్రణీత్తో పాటు ప్రజా సంఘాల నాయకులు దేశబోయిన లింగస్వామి, దేశబోయిన నర్సింహ, నాతి వెంకట్రామయ్య, ఆరూరి దుర్గయ్య, సుర్కంటి మోహన్ రెడ్డి, ఆరూరి శంబయ్య, ఆరూరి నరసింహ, ఆడెపు రమేష్, గడ్డం నర్సిరెడ్డి, సాయిరాం, మామిడి రాములు, మెరుగుమల్ల శ్రీశాంత్, లింగయ్య, మేడి యాదయ్య తదితరులు పాల్గొన్నారు.