విద్యార్థుల్లో నాయకత్వ లక్షణాలు, అంతర్జాతీయ అంశాలపై అవగాహన పెంపొందించే లక్ష్యంతో నిర్వహించిన మాక్ UNO కార్యక్రమంలో చిట్యాల పీఎంఎస్‌హెచ్‌ఆర్‌ఐ జెడ్పీహెచ్‌ఎస్ విద్యార్థి ప్రతిభ కనబరిచాడు. నల్గొండలో నిర్వహించిన జిల్లా స్థాయి మాక్ UNO పోటీలలో 9వ తరగతి విద్యార్థి గంజి శివసాయి రాష్ట్ర స్థాయికి ఎంపికై పాఠశాలకు గౌరవం తీసుకొచ్చాడు.

ఈ కార్యక్రమంలో చిట్యాల ఉన్నత పాఠశాల నుంచి 9వ తరగతి విద్యార్థులు జి. శివసాయి, ఎ. సాత్విక్ పాల్గొన్నారు. జిల్లాలోని 40కు పైగా పీఎంఎస్‌హెచ్‌ఆర్‌ఐ ఉన్నత పాఠశాలల విద్యార్థులు ఈ పోటీల్లో తమ ప్రతిభను ప్రదర్శించారు. చర్చలు, వాదనలు, అంతర్జాతీయ సమస్యలపై విశ్లేషణలో శివసాయి ప్రతిభ కనబరిచి రాష్ట్ర స్థాయికి ఎంపికయ్యాడు.రాష్ట్ర స్థాయికి ఎంపికైన విద్యార్థి శివసాయిని పాఠశాల ప్రధానోపాధ్యాయులు శ్రీమతి బి. సుశీల అభినందించారు. ఈ కార్యక్రమానికి సాంఘిక శాస్త్ర ఉపాధ్యాయులు ఎన్. సైదులు గైడ్ టీచర్‌గా వ్యవహరించారు.

జిల్లా స్థాయి పోటీల్లో పాల్గొన్న విద్యార్థులను, రాష్ట్ర స్థాయికి ఎంపికైన శివసాయిని పాఠశాల ఉపాధ్యాయులు శ్రీ చిలకరాజు శ్రీనివాస్, ఎ. పద్మజ, శ్రీ కోణం శ్రీనివాస్, జి. ఇందిర, ఎ. కవిత, సి.హెచ్. ప్రసన్న, జి. శైలజ, జె. మంజుల, ఎం.డి. సాదిక్, ఎన్. సరళ, పి. తిరుమల అభినందిస్తూ శుభాకాంక్షలు తెలిపారు.