జిల్లా అదనపు కలెక్టర్ భాస్కర్ రావు

చౌటుప్పల్ స్థానికం ప్రతినిధి కత్తుల రవి

యాదాద్రి భువనగిరి జిల్లా అదనపు కలెక్టర్ (స్థానిక సంస్థలు) భాస్కర్ రావు ఈరోజు చౌటుప్పల్ పురపాలక సంఘం కార్యాలయంలో జరుగుతున్న ఎన్నికల నామినేషన్ల ప్రక్రియను మున్సిపల్ కమిషనర్ గుత్తా వెంకటరామిరెడ్డి తో కలిసి స్వయంగా పర్యవేక్షించారు. ఈ సందర్భంగా వారు నామినేషన్ల స్వీకరణ కేంద్రాలను సందర్శించి, హెల్ప్ డెస్క్, కంట్రోల్ రూమ్ ఏర్పాట్లను, క్షుణ్ణంగా పరిశీలించారు.ఎన్నికల కమిషన్ ఆదేశాల ప్రకారం నామినేషన్ల స్వీకరణ జరుగుతుందో లేదో అధికారులను అడిగి తెలుసుకున్నారు. ప్రతి నామినేషన్ పత్రాన్ని నిశితంగా పరిశీలించాలని సూచించారు.నామినేషన్ కేంద్రాల వద్ద ఎటువంటి అవాంఛనీయ సంఘటనలు జరగకుండా పోలీసు బందోబస్తును సమీక్షించారు. నామినేషన్ ప్రక్రియ మొత్తం జాగ్రత్తగా చేయాలని, ఎక్కడా జాప్యం జరగకుండా పారదర్శకంగా నిర్వహించాలని అధికారులకు దిశానిర్దేశం చేశారు.ఈ పర్యవేక్షణ కార్యక్రమంలో చౌటుప్పల్ మున్సిపల్ కమిషనర్, గుత్తా వెంకట్రాంరెడ్డి, మేనేజర్ శ్రీధర్ రెడ్డి, రెవెన్యూ అధికారి అంజయ్య, ఎన్నికల రిటర్నింగ్ అధికారులు, మున్సిపల్ సిబ్బంది తదితరులు పాల్గొన్నారు.