చిట్యాల స్థానికం ప్రధాన ప్రతినిధి

బహుజన లెఫ్ట్ ఫ్రంట్ (బి.ఎల్.ఎఫ్.) బలపరిచిన ప్రజా పోరాట సమితి (PRPS) అభ్యర్థులు చిట్యాల మున్సిపాలిటీలోని మొత్తం 12 వార్డులకు కౌన్సిలర్లుగా పోటీ చేస్తున్నట్లు PRPS రాష్ట్ర అధ్యక్షుడు నూనె వెంకట్ స్వామి ప్రకటించారు. ఈ మేరకు చిట్యాలలో నిర్వహించిన జనరల్ బాడీ సమావేశంలో ఆయన మాట్లాడారు.అసెంబ్లీ ఎన్నికలకు ముందు కాంగ్రెస్ ఇచ్చిన హామీలను అమలు చేయకపోవడం, తెలంగాణను తొమ్మిదేళ్లు పాలించిన బిఆర్ఎస్ ప్రజా సమస్యలను పరిష్కరించడంలో విఫలమవడం, కార్మిక వ్యతిరేక నాలుగు లేబర్ కోడ్లను అమలు చేస్తూ దేశంలో మత ఉద్రిక్తతలను పెంచి పోషిస్తున్న బీజేపీ విధానాలను ప్రజలు తిరస్కరించాలని ఆయన పిలుపునిచ్చారు. ఈ పార్టీలను బలపరిచే సీపీఎం, సీపీఐలను కూడా ప్రస్తుత మున్సిపల్ ఎన్నికల్లో ఓడించాలని కోరారు.అంబేద్కరిజం, మార్క్సిజం ప్రాతిపదికన సాగుతున్న ఈ పోరాటంలో భాగంగా బహుజన రాజ్యాధికార లక్ష్యంతో PRPS అభ్యర్థులను గెలిపించాలని నూనె వెంకట్ స్వామి ప్రజలకు విజ్ఞప్తి చేశారు. కేంద్రంలోని బీజేపీ ప్రభుత్వం పట్టణ కార్మిక వర్గాన్ని, గ్రామీణ ఉపాధి కూలీలను అణచివేస్తూ మత విద్వేషాలనురెచ్చగొడుతోందని విమర్శించారు. అవినీతి, అధికార దుర్వినియోగానికి ప్రతీకలుగా మారిన కాంగ్రెస్, బిఆర్ఎస్‌లకు ఈ ఎన్నికల్లో తగిన గుణపాఠం చెప్పాలని తెలిపారు.ఈ సమావేశానికి ఉయ్యాల లింగస్వామి గౌడ్ అధ్యక్షత వహించగా, నాగిళ్ల యాదయ్య, బర్రె సంజీవ, జిట్ట వెంకన్న, జిట్టా ఉమాశంకర్, దామనూరి కృష్ణ, మిరియాల వెంకటేశం నేత, వల్లమల్ల యాదగిరి, నీల యాదగిరి యాదవ్, గుణగంటి సత్తయ్య గౌడ్, బైరు వెంకన్న గౌడ్, మారుగోని వెంకన్న గౌడ్, శీలోజు వీరప్ప చారి, దాచేపల్లి సంతోష్ గుప్తా, ఏనుగు నరసింహారెడ్డి, గాదె శ్రీహరి, గాదే ఎల్లేష్, కొండే శివ, కొండే నరేష్, ఉండ్రాతి కృష్ణ కుర్రు, ఎస్.కె. నజీర్ భాష, ఎస్.కె. జమాల్, పురం రాంబాబు తదితరులు పాల్గొన్నారు.