నల్లగొండ జిల్లా, నకిరేకల్ నియోజకవర్గం పరిధిలోని చిట్యాల మున్సిపాలిటీ 11వ వార్డులో మున్సిపల్ ఎన్నికల వేడి రాజుకుంది. భారత రాష్ట్ర సమితి (బిఆర్ఎస్) పార్టీ అభ్యర్థి మారగోని తేజస్విని మద్దతుగా నకిరేకల్ మాజీ ఎమ్మెల్యే చిరుమర్తి లింగయ్య ఇంటింటి ఎన్నికల ప్రచారాన్ని నిర్వహించారు.

ఈ సందర్భంగా మాజీ ఎమ్మెల్యే చిరుమర్తి లింగయ్య

వార్డులోని ప్రతి ఇంటిని సందర్శిస్తూ, బిఆర్ఎస్ ప్రభుత్వం చేపట్టిన పథకాలు, స్థానికంగా అమలైన అభివృద్ధి కార్యక్రమాలను ఓటర్లకు వివరించారు. ముఖ్యంగా మహిళలు, యువత నుంచి మంచి స్పందన లభించిందని పార్టీ నాయకులు తెలిపారు. ప్రజల సమస్యలను నేరుగా తెలుసుకుంటూ, వాటి పరిష్కారానికి కృషి చేస్తామని అభ్యర్థి మారగోని తేజస్విని హామీ ఇచ్చారు.

ఈ ప్రచార కార్యక్రమంలో బిఆర్ఎస్ పార్టీ స్థానిక నాయకులు, కార్యకర్తలు పెద్ద సంఖ్యలో పాల్గొని ఎన్నికల ప్రచారాన్ని ఉత్సాహంగా కొనసాగించారు. వార్డు అభివృద్ధి కోసం అనుభవం, నాయకత్వం అవసరమని, అందుకే బిఆర్ఎస్ అభ్యర్థికి మద్దతు ఇవ్వాలని వారు ఓటర్లను కోరారు.