చౌటుప్పల్ పట్టణంలోని ఐరా గ్లోబల్ స్కూల్‌లో అంతర్జాతీయ మహిళా దినోత్సవాన్ని శనివారం ఘనంగా నిర్వహించారు. ఈ కార్యక్రమంలో పాఠశాల ఉపాధ్యాయులు, విద్యార్థులు ఉత్సాహంగా పాల్గొన్నారు. ముఖ్య అతిథిగా హాజరైన పాఠశాల చైర్మన్ అరుణ, కరస్పాండెంట్ శ్రీకాంత్ మాట్లాడుతూ సమాజ నిర్మాణంలో మహిళల పాత్ర అత్యంత కీలకమని పేర్కొన్నారు. మహిళల సాధికారతతోనే సమాజం అభివృద్ధి చెందుతుందని ఆయన అన్నారు. ఈ సందర్భంగా విద్యార్థులు మహిళల గౌరవం, సమాన హక్కులు, మహిళా సాధికారత వంటి అంశాలపై ప్రసంగాలు, సాంస్కృతిక కార్యక్రమాలు నిర్వహించి అందరినీ ఆకట్టుకున్నారు. పాఠశాలలో సేవలందిస్తున్న మహిళా ఉపాధ్యాయులను పుష్పగుచ్ఛాలు అందజేసి సన్మానించారు. ఈ కార్యక్రమంలో పాఠశాల ప్రిన్సిపాల్ రాజశేఖర్ రెడ్డి, అధ్యాపకులు , విద్యార్థిని విద్యార్థులు పాల్గొన్నారు.