వనస్థలిపురం స్థానికం ప్రధాన ప్రతినిధి

వనస్థలిపురం డివిజన్ పరిధిలోని వెంకటేశ్వర కాలనీ ఫేజ్–1 నివాసులు శుక్రవారం డివిజన్ కార్పొరేటర్ రాగుల వెంకటేశ్వర్ రెడ్డి నివాసానికి వెళ్లి, ఇటీవల కాలనీల్లో చేపట్టిన అభివృద్ధి పనులకు కృతజ్ఞతగా శాలువాతో ఘనంగా సత్కరించారు.ఈ సందర్భంగా కాలనీలో ప్రస్తుతం ఎదురవుతున్న పలు సమస్యలను కార్పొరేటర్ దృష్టికి తీసుకువచ్చారు. వాటిని త్వరలోనే పరిష్కరించేందుకు తగిన చర్యలు తీసుకుంటామని కార్పొరేటర్ కాలనీ వాసులకు భరోసా ఇచ్చారు. కాలనీ అభివృద్ధి విషయంలో ప్రజల సహకారంతో కలిసి ముందుకు సాగుతామని తెలిపారు.ఈ కార్యక్రమంలో వెంకటేశ్వర కాలనీ అధ్యక్షుడు సతీష్, మాజీ అధ్యక్షుడు అమరేందర్ రెడ్డి, సెక్రటరీ రామ్, కోటేష్‌తో పాటు కాలనీకి చెందిన పలువురు ప్రముఖులు, నివాసులు పాల్గొన్నారు.