: ప్రభుత్వ ఉద్యోగం సాధించడం ఎంతోమందికి జీవిత లక్ష్యంగా ఉంటే, ఛత్తీస్‌గఢ్‌కు చెందిన ఓ యువతి ఏకంగా 19 ప్రభుత్వ ఉద్యోగాలను సాధించి అందరినీ ఆశ్చర్యపరుస్తోంది. ఛత్తీస్‌గఢ్ రాష్ట్రంలోని తిల్డా-నియోరా పట్టణానికి చెందిన చారు పాండే (23) తన ప్రతిభ, కృషితో ఈ అరుదైన ఘనతను సొంతం చేసుకుంది.

స్టాఫ్ సెలక్షన్ కమిషన్ (SSC), బ్యాంకింగ్, రైల్వే, పోలీస్ సేవలు తదితర విభాగాలకు సంబంధించిన మొత్తం 19 ప్రభుత్వ ఉద్యోగాల్లో ఎంపికై తన ప్రతిభను చాటుకుంది. పోటీ పరీక్షల్లో అసాధారణ ప్రతిభ కనబర్చినందుకు రాష్ట్రపతి చేతుల మీదుగా గోల్డ్ మెడల్‌ను కూడా అందుకుంది.

ప్రస్తుతం చారు పాండే చెన్నైలోని కాంప్ట్రోలర్ అండ్ ఆడిటర్ జనరల్ (CAG) కార్యాలయంలో అసిస్టెంట్ ఆడిట్ ఆఫీసర్‌గా విధులు నిర్వహిస్తున్నారు. చిన్న వయసులోనే వరుస విజయాలు సాధించిన ఆమె, ప్రభుత్వ ఉద్యోగాల కోసం సిద్ధమవుతున్న లక్షలాది మంది యువతకు స్ఫూర్తిగా నిలుస్తోంది.