ఎమ్మెల్యే రాజగోపాల్ రెడ్డి మద్దతు.. కార్యకర్తల్లో ఉత్సాహం

చౌటుప్పల్ మున్సిపాలిటీ

ఎన్నికల్లో భాగంగా 12వ వార్డు కాంగ్రెస్ పార్టీ అభ్యర్థిగా పాక చిరంజీవి బరిలోకి దిగారు. మునుగోడు ఎమ్మెల్యే కోమటిరెడ్డి రాజగోపాల్ రెడ్డి ఆశీస్సులతో ఆయన తన నామినేషన్ ను ఖరారు చేసుకున్నారు. ఈ సందర్భంగా చిరంజీవి మాట్లాడుతూ.. పార్టీ తనపై ఉంచిన నమ్మకాన్ని నిలబెట్టుకుంటానని అన్నారు. తనకు మద్దతుగా నిలిచిన పార్టీ సీనియర్ నాయకులకు కృతజ్ఞతలు తెలిపారు. అలాగే ప్రత్యేక ప్రోత్సాహం అందించిన చౌటుప్పల్ రామాలయ చైర్మన్ బొబ్బిళ్ల మురళి కి ఆయన ప్రత్యేక ధన్యవాదాలు తెలిపారు. వార్డు అభివృద్ధి ధ్యేయంగా ముందుకు సాగుతానని ఆయన స్పష్టం చేశారు. వార్డులోని ప్రజా సమస్యల పరిష్కారమే తన ప్రధాన ఎజెండా అని పేర్కొన్నారు. ప్రజల మద్దతుతో పాటు పార్టీ శ్రేణుల ఐక్యతతో భారీ మెజార్టీతో విజయం సాధిస్తానని చిరంజీవి ధీమా వ్యక్తం చేశారు.