న్యూఢిల్లీ : ఫిబ్రవరి నెలాఖరు సమీపిస్తున్న నేపథ్యంలో రిజర్వ్ బ్యాంక్ ఆఫ్ ఇండియా (ఆర్బీఐ) మార్చి నెలకు సంబంధించిన బ్యాంకు సెలవుల జాబితాను విడుదల చేసింది. మార్చి 1 నుండి 31 వరకు దేశవ్యాప్తంగా వివిధ పండుగలు, ఆదివారాలు, రెండవ మరియు నాల్గవ శనివారాల కారణంగా మొత్తం 18 రోజులు బ్యాంకులు మూసి ఉండనున్నాయి.

హోలీ, గుడి పడ్వా, ఉగాది, శ్రీరామ నవమి, మహావీర్ జయంతి వంటి పండుగల సందర్భంగా పలు రాష్ట్రాల్లో బ్యాంకులు పనిచేయవు. అదేవిధంగా ప్రతి ఆదివారం, రెండవ మరియు నాల్గవ శనివారాలు సాధారణ సెలవులుగా కొనసాగనున్నాయి.

రాష్ట్రాల వారీగా పండుగల ఆధారంగా సెలవులు భిన్నంగా ఉండే అవకాశం ఉంది. అందువల్ల సంబంధిత నగరాల్లోని బ్యాంకు శాఖల పనివేళలను ముందుగానే తెలుసుకోవాలని అధికారులు సూచించారు.

సెలవుల నేపథ్యంలో అత్యవసర బ్యాంకింగ్ లావాదేవీలను ముందుగానే పూర్తి చేసుకోవాలని ఆర్బీఐ ప్రజలకు విజ్ఞప్తి చేసింది. అయితే, ఆన్‌లైన్ బ్యాంకింగ్, ఏటీఎంల సేవలు యథావిధిగా కొనసాగనున్నాయి.