అల్ ఫలాహ్ యూనివర్సిటీ ఛైర్మన్ జావద్ అహ్మద్ సిద్ధిఖీ అరెస్ట్

ఢిల్లీ బ్లాస్ట్ ఘటనకు సంబంధించి నమోదైన కేసులో కీలక పరిణామం చోటు చేసుకుంది. యూనివర్సిటీ గ్రాంట్స్ కమిషన్ (యూజీసీ) ఫిర్యాదు ఆధారంగా నమోదు చేసిన రెండు ఎఫ్‌ఐఆర్‌ల నేపథ్యంలో, ఢిల్లీ పోలీసుల క్రైం బ్రాంచ్ అల్ ఫలాహ్ యూనివర్సిటీ ఛైర్మన్ జావద్ అహ్మద్ సిద్ధిఖీని అరెస్ట్ చేసినట్లు అధికార వర్గాలు వెల్లడించాయి.ఢిల్లీ బ్లాస్ట్ అనంతరం యూజీసీ చేసిన ఫిర్యాదుపై విచారణ ప్రారంభించిన పోలీసులు, అందులో భాగంగా ఈ చర్యలు చేపట్టినట్లు తెలిపారు. ఇదిలా ఉండగా, ఈ వ్యవహారంపై ఇప్పటికే ఎన్‌ఫోర్స్‌మెంట్ డైరెక్టరేట్ (ఈడీ) విచారణ ప్రారంభించడంతో కేసు మరింత తీవ్రత సంతరించుకుంది.ఆర్థిక లావాదేవీలు, నిధుల వినియోగంపై అనుమానాల నేపథ్యంలో ఈడీ చర్యలు ప్రారంభించిందని సమాచారం. ఈ కేసుకు సంబంధించిన ఇతర కోణాలపై కూడా దర్యాప్తు కొనసాగుతోందని అధికారులు స్పష్టం చేశారు.ఈ వ్యవహారం దేశవ్యాప్తంగా సంచలనం రేపుతుండగా, విచారణ పూర్తయ్యే వరకు మరిన్ని వివరాలు వెలుగులోకి వచ్చే అవకాశం ఉందని నిపుణులు అభిప్రాయపడుతున్నారు.