యాదాద్రి భువనగిరి జిల్లా పోలీస్ అసోసియేషన్ ఉపాధ్యక్షుడిగా చౌటుప్పల్ సీఐ మన్మథ కుమార్ ఎన్నికయ్యారు. భువనగిరి జిల్లా కేంద్రంలో నిర్వహించిన ఎన్నికల్లో ఆయన విజయం సాధించారు. ఈ మేరకు ఎన్నికల ధ్రువపత్రాన్ని అడిషనల్ డీఎస్పీ లక్ష్మీనారాయణ చేతుల మీదుగా ఆయన అందుకున్నారు. ​ఈ సందర్భంగా మన్మథ కుమార్ మాట్లాడుతూ.. తన గెలుపునకు సహకరించిన ప్రతి ఒక్కరికీ ప్రత్యేక ధన్యవాదాలు తెలిపారు. పోలీస్ అధికారుల సంఘం సభ్యులతో నిరంతరం సమన్వయం పాటిస్తూ, శాఖ సంక్షేమానికి శాయశక్తులా కృషి చేస్తానని స్పష్టం చేశారు. సీఐ మన్మథ కుమార్ జిల్లా ఉపాధ్యక్షుడిగా ఎన్నికవ్వడం పట్ల చౌటుప్పల్ మండలం, మున్సిపాలిటీ పరిధిలోని ప్రజాప్రతినిధులు, పోలీస్ సిబ్బంది, స్థానిక ప్రజలు హర్షం వ్యక్తం చేశారు.