స్వచ్ఛందంగా ముందుకు వచ్చిన యువత – రక్తదానం మహాదానం

సూర్యాపేట: సూర్యాపేట జిల్లా కేంద్రంలోని ఎస్వీ ఇంజనీరింగ్ కళాశాల చౌరస్తా సమీపంలో బ్రైట్ ఫ్యూచర్ ఫౌండేషన్, ఛత్రపతి శివాజీ సూర్యాపేట సైన్యం ఆధ్వర్యంలో గురువారం రక్తదాన శిబిరాన్ని నిర్వహించారు. ఈ సందర్భంగా నిర్వాహకులు మాట్లాడుతూ బ్రైట్ ఫ్యూచర్ ఫౌండేషన్ వ్యవస్థాపకుడు శివకుమార్ ఆధ్వర్యంలో అనేక సేవా కార్యక్రమాలు నిర్వహిస్తున్నామని తెలిపారు. రక్తదానం చేయడానికి ముందుకు వచ్చిన ప్రతి ఒక్కరికి అభినందనలు తెలియజేశారు. రక్తదానం మహాదానమని పేర్కొన్నారు.

ప్రతి వ్యక్తి మూడు నెలలకు ఒకసారి రక్తదానం చేస్తే ఆరోగ్యానికి మేలు జరుగుతుందని తెలిపారు. ప్రజలు స్వచ్ఛందంగా రక్తం అందిస్తే అవసరమైన వారికి ప్రాణదానం చేసినట్లవుతుందని అన్నారు. ఈ కార్యక్రమంలో బ్రైట్ ఫ్యూచర్ ఫౌండేషన్ వ్యవస్థాపక అధ్యక్షుడు దేవేందర్ గౌడ్, కెక్కిరేణి సత్యనారాయణ, కెక్కిరేణి నాగయ్య, ఎల్గూరి రాంబాబు, ఉపేందర్, నర్సింగ్ నాగరాజు, నరి, వేణు, అనుదీప్, ఫ్రేమ్, ఎజస్, నిధి తదితరులు పాల్గొన్నారు.