.ధాన్యం కొనుగోలు కేంద్రం వద్ద రహదారి సమస్యకు పరిష్కారం.

నల్గొండ జిల్లా చిట్యాల మండలంలోని చిన్నకాపర్తి గ్రామంలో ధాన్యం కొనుగోలు కేంద్రం వద్ద నెలకొన్న రవాణా సమస్యకు శాశ్వత పరిష్కారం లభించింది. ఈ సమస్యను పరిష్కరించేందుకు ప్రభుత్వ విప్, ఎమ్మెల్యే వేముల వీరేశం సహకారం అందించగా, స్థానిక సర్పంచ్ మరియు రైతుల చొరవ కీలకంగా మారింది.

కొనుగోలు కేంద్రం సమీపంలో భూమి కలిగిన రైతు ముక్కామల్ల యాదయ్య, లారీలు మరియు ట్రాక్టర్ల రాకపోకలకు ఇబ్బంది లేకుండా తన భూమి గుండా దారి ఇవ్వడానికి ముందుకు వచ్చారు. రహదారి విస్తరణలో అడ్డుగా ఉన్న తాటి చెట్లను జేసీబీ సహాయంతో తొలగించారు.ఈ పనులను చిన్నకాపర్తి సర్పంచ్ ఆవుల సుందర్ మరియు రైతు యాదయ్య స్వయంగా పర్యవేక్షించి పూర్తి చేయించారు. రహదారి సమస్య పరిష్కారంతో ధాన్యం కొనుగోలు కేంద్రానికి రాకపోకలు సులభతరమయ్యాయి.

ఈ కార్యక్రమంలో గ్రామ ప్రజాప్రతినిధులు, స్థానిక రైతులు తదితరులు పాల్గొన్నారు.