వలిగొండ:యాదాద్రి భువనగిరి జిల్లా వలిగొండ మండల పరిధిలోని గోపరాజుపల్లి గ్రామ అంగన్వాడీ కేంద్రంలో శుక్రవారం చిన్నారులకు అక్షరాభ్యాసం, అన్నప్రాసన నిర్వహించారు. ఈ సందర్భంగా అంగన్వాడీ టీచర్ సలిగంజి మణెమ్మ మాట్లాడుతూ...అంగన్వాడి కేంద్రాలలో చిన్నారులకు మంచి పోషకాహారాలను అందించడంతోపాటు ఆటపాటలతో కూడిన విద్యను అందిస్తున్నట్లు తెలిపారు. వార్డ్ మెంబర్ నీలం నరేష్ విద్యార్థులకు పలకలను అందజేశారు. ఈ కార్యక్రమంలో సర్పంచ్ సలిగంజి పృద్వి,ప్రభుత్వ ప్రాథమిక పాఠశాల ప్రధానోపాధ్యాయులు శ్రీనివాస్,టీచర్ రేవతి,వార్డు మెంబర్ మంటిపల్లి నరేష్, కారోబార్ వనం జనార్ధన్,ఆశ నీరజ,ఆయా దేవేంద్ర,తల్లులు తదితరులు పాల్గొన్నారు.