‘బంగారం’… భారతీయుల హృదయాల్లో ప్రత్యేక స్థానం కలిగిన ఆస్తి. ఇది కేవలం ఆభరణం మాత్రమే కాదు, తరతరాలకు భద్రపరిచే పెట్టుబడి కూడా. ప్రపంచంలోనే అత్యధికంగా బంగారాన్ని కొనుగోలు చేసే దేశంగా భారత్ పేరు గడించింది. ఒకప్పుడు వందల్లో ఉన్న పసిడి ధర… ఇప్పుడు లక్షలను దాటింది.

1925: కేవలం రూ.18–20!

1925 ప్రాంతంలో 10 గ్రాముల బంగారం ధర కేవలం రూ.18–20 మధ్యలో ఉండేది. ఆ కాలంలో ప్రపంచ ఆర్థిక పరిస్థితులు, పరిమిత మార్కెట్ వ్యవస్థ కారణంగా ధరలు తక్కువగానే ఉండేవి.

1950లలో రూ.100 దాకా

1940–1960 మధ్య పెద్దగా మార్పులు కనిపించకపోయినా, 1950 దశకంలో బంగారం ధర రూ.90–100 పరిధిలోకి చేరింది.

1970ల తర్వాత భారీ ఎగబాకుడు

ప్రపంచ ఆర్థిక మార్పులు, ద్రవ్యోల్బణం ప్రభావంతో 1970ల తర్వాత పసిడి ధరలు పెరుగుదల బాట పట్టాయి.

1980 నాటికి ధర రూ.1,300 దాటడం ఆ కాలంలో పెద్ద మైలురాయిగా నిలిచింది.

1990–2000: పెట్టుబడిదారుల దృష్టి బంగారంపై

1995 ప్రాంతంలో ధర సుమారు రూ.4,500 ఉండగా, 2000 నాటికి రూ.4,400–4,700 మధ్యలో నమోదైంది.

ప్రపంచ ఆర్థిక సంక్షోభాలు, డాలర్ మార్పిడి విలువల్లో మార్పులు బంగారాన్ని ‘సేఫ్ హేవెన్’గా మార్చాయి.

2010 తర్వాత వేగవంతమైన పెరుగుదల

2010లో రూ.18,500 ఉన్న బంగారం ధర, 2020 నాటికి రూ.48,000 దాటింది.

2024 నాటికి రూ.78,000 చేరడం గమనార్హం.

2025–2026: ఆకాశాన్నంటిన పసిడి

ఇటీవలి సంవత్సరాల్లో ఊహించని రీతిలో పెరిగిన బంగారం ధర… ప్రస్తుతం (2026) 10 గ్రాములకు సుమారు రూ.1,57,000గా నమోదవుతోంది.

శతాబ్దంలో వందల రెట్లు పెరుగుదల!

రూ.18తో ప్రారంభమైన ప్రయాణం… లక్షా 1.57 లక్షల దాకా చేరింది. అంటే ఒక శతాబ్దంలో బంగారం విలువ వందల రెట్లు పెరిగింది.

ఆర్థిక అనిశ్చితి, ద్రవ్యోల్బణం, అంతర్జాతీయ పరిస్థితులు—ఏదైనా జరిగినా… బంగారం మాత్రం కాలానికి తగ్గట్టే తన విలువను పెంచుకుంటూ వచ్చింది.