శ్రీ సంతు సేవాలాల్ జయంతి ఉత్సవాలను పురస్కరించుకుని కూసుమంచిలో గిరిజనులు భారీ ప్రదర్శన కార్యక్రమం నిర్వహించారు. సంప్రదాయ వేషధారణలో గిరిజన సోదర సోదరీమణులు పాల్గొని జయంతి వేడుకలను ఘనంగా జరిపారు.

ఈ కార్యక్రమంలో రాష్ట్ర రెవెన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాస్ రెడ్డి ఖమ్మం క్యాంపు కార్యాలయ ఇన్చార్జ్ తుంబూరు దయాకర్ రెడ్డి, మంత్రి కూసుమంచి క్యాంపు కార్యాలయ ఇన్చార్జ్ భీమిరెడ్డి శ్రీనివాస్ రెడ్డి పాల్గొన్నారు.

గిరిజన నాయకులు, వివిధ గ్రామాల సర్పంచులు, మాజీ ఎంపీటీసీలు, మాజీ ప్రజా ప్రతినిధులు మరియు గిరిజన సోదర సోదరీమణులు అధిక సంఖ్యలో హాజరై సేవాలాల్ మహారాజ్ జయంతి కార్యక్రమాన్ని విజయవంతం చేశారు.

వేదికపై నాయకులు సేవాలాల్ మహారాజ్ ఆశయాలను స్మరించుకుంటూ గిరిజన సమాజ ఐక్యతకు కృషి చేయాలని పిలుపునిచ్చారు.