శుక్ర మౌఢ్యమి ముగియడంతో తెలుగు రాష్ట్రాల్లో మళ్లీ పెళ్లిళ్ల బాజాలు మోగనున్నాయి. ఫిబ్రవరి 19 నుంచి శుభ ముహూర్తాలు ప్రారంభం కానున్నట్లు పండితులు వెల్లడించారు. ఫిబ్రవరిలో 19, 20, 21, 24-26, మార్చిలో 1, 3, 4, 7-9, 11, 12 తేదీల్లో అత్యధిక ముహూర్తాలు ఉన్నాయి. అలాగే ఏప్రిల్, మే, జూన్ మాసాల్లోనూ వరుసగా శుభకార్యాలకు అనువైన రోజులు ఉన్నాయి. నవంబర్, డిసెంబర్ నెలల్లో కూడా భారీగా పెళ్లిళ్లు జరగనున్నాయి.