యాదాద్రి భువనగిరి, : 2026 విద్యా సంవత్సరానికి సంబంధించిన అంబేద్కర్ విదేశీ విద్యానిధి పథకం (AOVN) కింద ఎస్సీ వర్గాలకు చెందిన అర్హులైన విద్యార్థినీ, విద్యార్థులు విదేశాల్లో ఉన్నత విద్యాభ్యాసం కోసం ఉపకార వేతనాలకు దరఖాస్తు చేసుకోవచ్చని జిల్లా షెడ్యూల్డ్ కులముల అభివృద్ధి అధికారి పి. సాహితి తెలిపారు.

దరఖాస్తుల స్వీకరణకు చివరి తేదీ మార్చి 31, 2026గా నిర్ణయించినట్లు ఆమె పేర్కొన్నారు. ఈ అవకాశాన్ని అర్హులైన విద్యార్థులు సద్వినియోగం చేసుకోవాలని సూచించారు.

దరఖాస్తులు ఆన్‌లైన్ ద్వారా మాత్రమే స్వీకరించబడతాయని, అభ్యర్థులు Telangana ePASS వెబ్‌సైట్‌లో నమోదు చేసుకోవాలని తెలిపారు.

వివరాలకు సంబంధిత అధికారులను సంప్రదించాలని సూచించారు.