అమెరికాకు చెందిన యూట్యూబర్ రిక్ సేగల్ మరియు యు కలకత్తాకు చెందిన యువతి ఇంద్రాణి ప్రేమకథ సోషల్ మీడియాలో ప్రారంభమై పెళ్లి పీటల దాకా చేరింది. వయసులో పెద్ద తేడా ఉన్నప్పటికీ వారి ప్రేమకు అది అడ్డంకి కాలేదు.

50 ఏళ్ల రిక్ సెగల్ అమెరికాకు చెందిన యూట్యూబర్. ఆయన “స్టుపిడ్ రియాక్షన్స్” పేరుతో యూట్యూబ్ ఛానల్ నిర్వహిస్తున్నారు. సోషల్ మీడియా ద్వారా పరిచయమైన 25 ఏళ్ల ఇంద్రాణితో ఆయనకు స్నేహం ఏర్పడి, ఆ పరిచయం తర్వాత ప్రేమగా మారింది.

కాలక్రమంలో వారి బంధం బలపడడంతో పెళ్లి చేసుకోవాలని నిర్ణయించుకున్నారు. కుటుంబ సభ్యుల సమక్షంలో ఇద్దరూ బెంగాలీ సంప్రదాయం ప్రకారం వివాహం చేసుకున్నారు.

ఆన్‌లైన్‌లో మొదలైన ఈ ప్రేమ కథ దేశ సరిహద్దులను దాటి, వయస్సు తేడాలను కూడా అధిగమించి చివరకు పెళ్లి వరకు చేరడం ప్రస్తుతం సోషల్ మీడియాలో చర్చనీయాంశంగా మారింది.