నేడు 6 నామినేషన్ల దాఖలు

చౌటుప్పల్ స్థానికం ప్రతినిధి కె రవి

తెలంగాణ రాష్ట్ర రెండవ మున్సిపల్ సాధారణ ఎన్నికలు 2026లో భాగంగా చౌటుప్పల్ మున్సిపాలిటీలో నామినేషన్ల స్వీకరణ ప్రక్రియ చురుగ్గా సాగుతోంది. ఎన్నికల షెడ్యూల్ ప్రకారం మొదటి రోజైన బుధవారం వివిధ వార్డుల నుండి మొత్తం 6 నామినేషన్లు స్వీకరించబడినట్లు ఎన్నికల అధికారులు వెల్లడించారు.నేడు నామినేషన్లు దాఖలు చేసిన అభ్యర్థుల వివరాలు. 2వ వార్డు కాంగ్రెస్, 5వ వార్డు బి.ఆర్.ఎస్, 9వ వార్డు కాంగ్రెస్, 13వ వార్డు బి.ఆర్.ఎస్,14వ వార్డు కాంగ్రెస్,16వ వార్డు కాంగ్రెస్, మున్సిపల్ కార్యాలయంలో ఏర్పాటు చేసిన ప్రత్యేక కౌంటర్ల ద్వారా అధికారులు ఈ నామినేషన్లను స్వీకరించారు. నామినేషన్ల దాఖలుకు చివరి గడువు జనవరి 30 వరకు ఉన్నందున, రాబోయే రెండు రోజుల్లో మరిన్ని నామినేషన్లు వచ్చే అవకాశం ఉందని అధికారులు భావిస్తున్నారు. ఈ ప్రక్రియ అంతా ప్రశాంతంగా, నిబంధనలకు అనుగుణంగా కొనసాగుతోందని అసిస్టెంట్ డిస్ట్రిక్ ఎలక్షన్ అథారిటీ, మున్సిపల్ కమిషనర్ చౌటుప్పల్, గుత్త వెంకట్రాంరెడ్డి తెలిపారు.