కనకదుర్గమ్మను దర్శించుకుని ప్రత్యేక పూజలు.

చిట్యాల పట్టణంలోని ప్రసిద్ధ శ్రీ కనకదుర్గ దేవి ఆలయంలో దేవీ శరన్నవరాత్రి ఉత్సవాలు ఆదివారం వైభవంగా ప్రారంభమయ్యాయి. ఉత్సవాల ప్రారంభం సందర్భంగా నకిరేకల్ ఎమ్మెల్యే, ప్రభుత్వ విప్ వేముల వీరేశం తన సతీమణితో కలిసి అమ్మవారిని దర్శించుకుని ప్రత్యేక పూజలు నిర్వహించారు. నియోజకవర్గ ప్రజలు సుఖసంతోషాలతో, ఆయురారోగ్యాలతో వర్ధిల్లాలని అమ్మవారిని ప్రార్థించారు. అనంతరం ఆలయ అర్చకులు ఎమ్మెల్యే దంపతులకు వేద ఆశీర్వచనం అందించి తీర్థప్రసాదాలు సమర్పించారు.

ఈ కార్యక్రమంలో ఆలయ కమిటీ చైర్మన్ మారగోని ఆంజనేయులు, ఆలయ డైరెక్టర్లు, చిట్యాల మున్సిపల్ చైర్మన్, వైస్ చైర్మన్ కౌన్సిలర్లు, కాంగ్రెస్ టౌన్ పార్టీ అధ్యక్షుడు, ఆలయ కమిటీ సభ్యులు, కాంగ్రెస్ నాయకులు తదితరులు పాల్గొన్నారు.