చండీయాగంతో గ్రామానికి శుభం కలగాలని సంకల్పం.

నల్లగొండ జిల్లా చిట్యాల మండలం పెద్దకాపర్తి గ్రామంలో దేవీ శరన్నవరాత్రి ఉత్సవాలు భక్తిశ్రద్ధలతో ప్రారంభమయ్యాయి. ఉత్సవాల్లో భాగంగా తొలిరోజు నిర్వహించిన ప్రత్యేక పూజల్లో గ్రామ సర్పంచ్ కాటం వెంకటేశం, పద్మ దంపతులు పాల్గొని అమ్మవారిని దర్శించుకున్నారు. ఈ సందర్భంగా అమ్మవారికి బంగారు ముక్కుపుడకను కానుకగా సమర్పించారు.

ఈ నెల 18న ఆలయంలో చండీయాగం నిర్వహించనున్నట్లు ఆలయ కమిటీ చైర్మన్, సభ్యులు తెలిపారు. గ్రామ ప్రజలు ఆయురారోగ్యాలతో, సుఖసంతోషాలతో ఉండాలని, అమ్మవారి కృపాకటాక్షాలు గ్రామంపై ఉండాలనే సంకల్పంతో యాగం నిర్వహిస్తున్నట్లు పేర్కొన్నారు. గ్రామ ప్రజలందరూ చండీయాగంలో పాల్గొని అమ్మవారి ఆశీస్సులు పొందాలని కోరారు.ఈ కార్యక్రమంలో ఏదుల ప్రభాకర్‌రెడ్డి దంపతులు, మా రెడ్డి తిరుమలరెడ్డి దంపతులు, పొట్లపల్లి సుభాష్ దంపతులతో పాటు నారాయణ రమేష్, తాటి చంద్రమౌళి, ఏర్పుల నరసింహ, మర్రి హరీష్‌రెడ్డి, కురు యాదయ్య, ఆనగంటి లింగస్వామి, ఏర్పుల వెంకన్న, ఆలయ కమిటీ సభ్యులు, గ్రామ భక్తులు పాల్గొన్నారు.