మునగాల మండలంలోని మునగాల, ఆకుపాముల, రేపాల రైతు వేదికల్లో నేడు ఉదయం 10 గంటలకు రైతు నేస్తం కార్యక్రమం నిర్వహించనున్నట్లు మండల వ్యవసాయ అధికారి రాజు ఆదివారం తెలిపారు. ఎల్‌నినో పరిస్థితుల నేపథ్యంలో రానున్న రబీ సీజన్‌లో పంటల సాగు ప్రణాళిక, అనుసరించాల్సిన వ్యవసాయ పద్ధతులపై సీఎం ప్రత్యక్ష ప్రసారం ద్వారా రైతులకు అవగాహన కల్పించనున్నట్లు పేర్కొన్నారు. వాతావరణ పరిస్థితులకు అనుగుణంగా పంటల ఎంపిక, సాగు ప్రణాళికపై రైతులకు సూచనలు అందనున్నాయని తెలిపారు. ఈ కార్యక్రమానికి రైతులు, ప్రజాప్రతినిధులు, వ్యవసాయ శాఖ అధికారులు హాజరై విజయవంతం చేయాలని కోరారు.