హైదరాబాద్‌లోని బాలానగర్ విమల్ 70MM (మైత్రి మూవీస్) థియేటర్ ఇయ్యాల ఒక స్టేడియం లెక్క మారింది. మన ఎనర్జిటిక్ స్టార్ హీరో రామ్ (Ram Pothineni) వస్తున్నడని తెలిసి, ఫ్యాన్స్ చేసిన రచ్చ అంతా ఇంతా కాదు. అసలు సినిమా మొదలైన కాడ్నుంచి థియేటర్లో ఒక్కటే జోష్.. ఒక్కటే గోల!

పేపర్ల వర్షం.. స్క్రీన్ కనిపిస్తలే! సినిమా నడుస్తున్నంత సేపు థియేటర్ నిండా పేపర్లే ఎగిరినయ్. చిన్న సీన్ వచ్చినా, మాస్ డైలాగ్ పేలినా, పాట వచ్చినా సరే.. ఫ్యాన్స్ సీట్లలో కూసోలే. పేపర్లు గాల్లోకి లేపుతూ, ఈలలు వేస్తూ థియేటర్‌ని దడదడలాడించారు. సినిమా మొత్తం ఫుల్ జోష్ మీద నడిచింది.

రామ్ అన్న ఎప్పుడొస్తాడని.. సినిమా చూస్తున్నంత సేపు అందరి కళ్లు గుమ్మం వైపే.. "రామ్ అన్న ఎప్పుడొస్తడు.. ఎప్పుడు చూద్దాం" అని థియేటర్ మొత్తం ఆత్రుతగా వెయిట్ చేసింది. ఎట్టకేలకు రామ్ రాగానే ఆ ఎక్సైట్‌మెంట్ పీక్స్‌కి వెళ్లిపోయింది. కారు దిగంగానే జనం ఎగబడ్డరు.. ప్రేమతో లాగేశిన్రు, తోసేశిన్రు.. అయినా రామ్ నవ్వుతూనే లోపలికి వచ్చిండు.

"నాలుగు సార్లు చూశినం.. చిన్ని గుండెలో సాంగ్ మా ప్రాణం" మైక్ పట్టుకున్న రామ్.. "సినిమా ఎన్ని సార్లు చూశిన్రు?" అని అడగగానే.. "నాలుగు సార్లు.. ఐదు సార్లు" అని ఆన్సర్ ఇచ్చి, తమ అభిమానాన్ని చాటుకున్నరు. ఇక "చిన్ని గుండెలో" (Chinni Gundelo) పాట అంటే తమకు ఎంత ఇష్టమో చెప్తూ అరుస్తుంటే థియేటర్ షేక్ అయ్యింది.

మొత్తానికి విమల్ థియేటర్లో ఇయ్యాల పండగ వాతావరణం కనిపించింది. రామ్ రాకతో ఫ్యాన్స్ దిల్ ఖుష్ అయ్యింది!