ఇబ్రహీంపట్నం ద్వితీయ, బడంగ్‌పేట్‌కు తృతీయ స్థానం.

హయత్‌నగర్‌: రంగారెడ్డి జిల్లా స్థాయి యువ టూరిజం క్లబ్‌ పోటీలు ప్రభుత్వ డిగ్రీ కళాశాల హయత్‌నగర్‌లో మంగళవారం ఘనంగా నిర్వహించారు. ఈ సందర్భంగా కళాశాల ప్రిన్సిపల్‌ డాక్టర్‌ పి. సురేష్‌బాబు మాట్లాడుతూ ప్రభుత్వ కళాశాలల్లో చదివే విద్యార్థుల్లో అనేక నైపుణ్యాలు దాగి ఉన్నాయని, ఇలాంటి పోటీల ద్వారా తమ ప్రతిభను మెరుగుపరుచుకోవచ్చని తెలిపారు.

షార్ట్‌ఫిలిం, సోషల్‌ మీడియా, పాటలు, నృత్యం, డ్రామా, తక్కువగా ప్రాచుర్యం పొందిన చారిత్రక ప్రదేశాలు, కమ్యూనిటీ భాగస్వామ్యం, సృజనాత్మక ఆలోచన తదితర అంశాల్లో పోటీలు నిర్వహించారు. పోటీల్లో ప్రభుత్వ డిగ్రీ కళాశాల హయత్‌నగర్‌ ప్రథమ స్థానం, ప్రభుత్వ డిగ్రీ కళాశాల ఇబ్రహీంపట్నం ద్వితీయ స్థానం, ప్రభుత్వ డిగ్రీ కళాశాల బడంగ్‌పేట్‌ తృతీయ స్థానం సాధించాయి.

విజేతలు రాష్ట్రస్థాయి పోటీల్లో పాల్గొంటారని నిర్వాహకులు తెలిపారు. కార్యక్రమాలను యువ టూరిజం క్లబ్‌ జిల్లా కోఆర్డినేటర్‌ షేక్‌ మహబూబ్‌ పర్యవేక్షించారు. కార్యక్రమంలో వైస్‌ ప్రిన్సిపల్‌ ఇందిర, ప్రొఫెసర్‌ నాగేంద్ర, డాక్టర్‌ నోముల వెంకటేశ్వర్లు, డాక్టర్‌ అపర్ణ చతుర్వేది, డి. రమాదేవి, డాక్టర్‌ బి. నరసింహ, డాక్టర్‌ వి. నాగరాజు, డాక్టర్‌ విజయలక్ష్మి, డాక్టర్‌ వెంకటలక్ష్మి, డాక్టర్‌ శశిధర్, మల్లేశం, డాక్టర్‌ కృష్ణమోహన్, ఫిజికల్‌ డైరెక్టర్‌ డాక్టర్‌ కె. అనితతో పాటు వివిధ కళాశాలల విద్యార్థులు పాల్గొన్నారు.