ముఖ్య అతిథులుగా మంత్రి టీజీ భరత్, టీపీసీసీ అధ్యక్షుడు మహేష్ కుమార్ గౌడ్

ఈ నెల 29న ఎల్బీనగర్‌లో కార్యక్రమం

జీవిత కాల సభ్యులకు మాత్రమే ప్రవేశం: నిర్వాహకులు

ఈ నెల 29న ఎల్బీనగర్‌లో WAM (వామ్) జీవిత కాల సభ్యుల కోసం 'వన సమారాధన - వనభోజనాలు' కార్యక్రమం నిర్వహిస్తున్నట్లు ప్రాజెక్టు చైర్మన్ కౌటికె విఠల్, కో-చైర్మన్ మడుపల్లి రవి గుప్తా, తిరుమల గ్రూప్ అధ్యక్షుడు సింగిరికొండ నర్సింహా తెలిపారు. ఈ కార్యక్రమానికి ఆంధ్రప్రదేశ్ ప్రభుత్వ పరిశ్రమలు, వాణిజ్యం, ఆహార శుద్ధి శాఖ మంత్రి టీజీ భరత్, తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు బొమ్మ మహేష్ కుమార్ గౌడ్ ముఖ్య అతిథులుగా హాజరవుతున్నట్లు వెల్లడించారు.​ముఖ్య అతిథుల రాకతో కార్తీక మాస విశిష్టత, కార్తీక వనభోజనాల ప్రాధాన్యత మరింత పెంపొందుతుందని వారు ఆశాభావం వ్యక్తం చేశారు.​ఈ వన సమారాధన కార్యక్రమంలో WAM లో ముందస్తుగా జీవితకాల సభ్యులుగా నమోదు చేసుకున్న వారికి మాత్రమే అనుమతి ఉంటుందని స్పష్టం చేశారు. కార్యక్రమంలో పాల్గొనాలనుకునే వారు తప్పనిసరిగా ముందస్తు రిజిస్ట్రేషన్ లేదా ప్రత్యేక ఆహ్వానం కలిగి ఉండాలని తెలిపారు.