కోదాడ పట్టణంలోని ప్రసిద్ధ శ్రీ కోదండ రామస్వామి దేవాలయాన్ని రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి సందర్శించి స్వామివారికి ప్రత్యేక పూజలు నిర్వహించారు. ఈ సందర్భంగా ఆలయ అర్చకులు మంత్రికి పూర్ణకుంభంతో ఘన స్వాగతం పలికి వేదమంత్రోచ్ఛారణల మధ్య పూజలు జరిపించారు. స్వామివారి ఆశీస్సులు పొందిన అనంతరం అర్చకులు తీర్థప్రసాదాలు అందజేశారు. ఈ కార్యక్రమంలో నల్లగొండ ఎంపీ కుందూరు రఘువీర్‌రెడ్డి, జిల్లా కలెక్టర్ తేజస్ నందలాల్ పవార్, ఎస్పీ నర్సింహ, ప్రజాప్రతినిధులు, అధికారులు తదితరులు పాల్గొన్నారు.