ఇద్దరు నిరుపేదలకు ఆర్థిక సహాయం, నిత్యవసరాల పంపిణీ

చౌటుప్పల్ స్థానికం ప్రతినిధి:

చౌటుప్పల్ మున్సిపాలిటీ పరిధిలోని తంగడపల్లి గ్రామానికి చెందిన ఇద్దరు నిరుపేద మహిళల కుటుంబాలకు లయన్స్ క్లబ్ ఆధ్వర్యంలో బుధవారం సహాయం అందజేశారు. గ్రామానికి చెందిన బొడ్డు కవిత, చేపూరి సుస్మితల కుటుంబాలకు నిత్యవసర సరుకులతో పాటు నగదు పంపిణీ చేశారు.​ఒక్కో కుటుంబానికి రూ.9,000 విలువైన కిరాణం సరుకులు, రూ.5,000 చొప్పున నగదును లయన్స్ క్లబ్ అధ్యక్షులు అతహర్ పాష చేతుల మీదుగా అందజేశారు. రెండు కుటుంబాలకు కలిపి మొత్తం రూ.28,000 విలువైన సహాయాన్ని పంపిణీ చేసినట్లు నిర్వాహకులు తెలిపారు.​ఈ కార్యక్రమంలో కౌన్సిలర్ ఊదరి యాదయ్య, లయన్స్ క్లబ్ కార్యదర్శి దాచేపల్లి రాజు, సభ్యులు నాంపల్లి రమేష్, కాసుల వెంకటేశం, కటికం ప్రశాంత్, సిలివేరు మంగయ్య, గోపగోని లక్ష్మణ్ గౌడ్, గ్రామ పెద్దలు పాల్గొన్నారు.