చిట్యాల, నవంబర్ 7: నల్లగొండ జిల్లా చిట్యాల పట్టణ కేంద్రంలో విషాద ఘటన చోటుచేసుకుంది. రైలు కింద పడి ఓ వ్యక్తి ఆత్మహత్య చేసుకున్నాడు. మృతుడిని చిట్యాల మున్సిపాలిటీ పరిధిలోని శివనేని గూడెం గ్రామానికి చెందిన కాలేరు రాందాసు (43)గా గుర్తించారు.రాందాసు మృతికి గల కారణాలు తెలియాల్సి ఉంది. సమాచారం అందుకున్న రైల్వే పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు. పోస్టుమార్టం నిమిత్తం నల్లగొండ ఏరియా ఆసుపత్రికి తరలించారు. ఈ ఘటనపై కేసు నమోదు చేసుకున్న రైల్వే పోలీసులు దర్యాప్తు చేస్తున్నారు.