నల్గొండ జిల్లా హాలియా డివిజన్లో పెద్దవూర, అనుముల, తిరుమలగిరి, సాగర్ మండలాల్లో వేసవికాలంలో 1000 ఎకరాల్లో జొన్న పంట సాగు చేస్తుండగా, ఎకరానికి 8 క్వింటాళ్ల దిగుబడి వస్తుంది. మార్కెట్లో క్వింటాల్ రూ.6 వేల వరకు ధర పలుకుతుంది. చీడపీడల సమస్య లేకుండా, తక్కువ ఖర్చుతో ఎక్కువ దిగుబడి రావడంతో రైతులు లాభాలు సాధిస్తున్నారు. జొన్నకు మార్కెట్లో మంచి ధరతో పాటు డిమాండ్ ఉండడంతో రైతాంగం సాగుపై ఆసక్తి చూపుతున్నారు.