చిట్యాల మండలంలోని వెలిమినేడు గ్రామపంచాయతీ ఆవరణలో శుక్రవారం మహాత్మా గాంధీ జయంతి వేడుకలను ఘనంగా నిర్వహించారు. సర్పంచ్‌ బొంతల చంద్రారెడ్డి, ఉపసర్పంచ్‌ అంతటి స్వప్న సత్తయ్యగౌడ్‌ అధ్యక్షతన గ్రామసభ నిర్వహించారు. ఈ సందర్భంగా గాంధీజీ చిత్రపటానికి నివాళులర్పించారు.

అనంతరం ఉపాధి హామీ పథకం ద్వారా గ్రామంలో చేపట్టాల్సిన అభివృద్ధి పనులపై చర్చించారు. ప్రభుత్వం అమలు చేస్తున్న వివిధ పథకాలను గ్రామ ప్రజలకు వివరించారు. గ్రామ అవసరాలకు అనుగుణంగా అభివృద్ధి పనులను గుర్తించి ఉపాధి హామీ పథకం కింద చేపట్టాలని నిర్ణయించారు.కార్యక్రమంలో వార్డు సభ్యులు నోముల రామకుమార్, నోముల చిరంజీవి, జనగాం మంగమ్మ–సత్యనారాయణ, ఆరూరి సునీత–రవి, జిలకర నాగమణి–జంగయ్య, ఏనుగు శ్రీకాంత్‌రెడ్డి, పంచాయతీ కార్యదర్శి తాటికొండ లింగస్వామి, గ్రామ ప్రజలు పాల్గొన్నారు.