చిట్యాల మండలం లోని వెలిమినేడు

గ్రామపంచాయతీ పరిధిలోని 6, 7వ వార్డుల్లో హెటీరో సంస్థ సీఎస్‌ఆర్‌ నిధుల నుంచి రూ.10 లక్షల వ్యయంతో సీసీ రోడ్ల నిర్మాణం చేపట్టారు. ఈ సందర్భంగా సర్పంచ్‌ బొంతల చంద్రారెడ్డి, ఉప సర్పంచ్‌ అంతటి స్వప్న సత్తయ్యగౌడ్‌ మాట్లాడుతూ.. గ్రామాభివృద్ధే ధ్యేయంగా పనిచేస్తామని తెలిపారు. ప్రతి వార్డులో సీసీ రోడ్లు, అండర్‌గ్రౌండ్‌ డ్రైనేజీ వ్యవస్థను మెరుగుపరుస్తామని, తాగునీటి సమస్య పరిష్కారానికి చర్యలు తీసుకుంటామని చెప్పారు. అవసరమైన వార్డుల్లో వాటర్‌ ఫిల్టర్‌ ప్లాంట్లు ఏర్పాటు చేస్తామని తెలిపారు. గ్రామ అభివృద్ధి కోసం రాత్రింబవళ్లు కృషి చేస్తామని, పాలకవర్గం సమష్టి కృషితో ముందుకు సాగుతామని పేర్కొన్నారు.

కార్యక్రమంలో జిల్లా కాంగ్రెస్‌ నాయకులు అంతటి పారిజాత నరసింహగౌడ్, పీఏసీఎస్‌ వైస్‌ చైర్మన్‌ బొంతల అంజిరెడ్డి, వార్డు సభ్యులు నోముల రామకుమార్, నాతి కిరణ్‌కుమార్‌గౌడ్, ఆరూరి సునీత, రవి, మాజీ వార్డు సభ్యుడు మల్లం మహేష్‌గౌడ్, మాజీ ఎంపీటీసీ ఆరూరి శ్రీనివాస్, మండల నాయకుడు బద్దం మల్లేష్‌గౌడ్, కాలనీవాసులు అంతటి సురేష్‌గౌడ్, గోలి శంకరయ్య, ఆరూరి శంబయ్య, అంతటి స్వామి, అంతటి పరమేష్, శ్రీనివాస్‌రెడ్డి తదితరులు పాల్గొన్నారు.