భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ 135వ జయంతి సందర్భంగా ఉత్తటూర్ గ్రామంలో వేడుకలు ఘనంగా నిర్వహించారు.

ఈ సందర్భంగా గ్రామంలోని అంబేద్కర్ విగ్రహం వద్ద అంబేద్కర్ యువజన సంఘం నాయకుడు మేడి రాజు ఆధ్వర్యంలో పూలమాలలు వేసి ఘన నివాళులు అర్పించారు. అంబేద్కర్ భారతదేశానికి ప్రజాస్వామ్య స్ఫూర్తిని అందించిన మహోన్నత నాయకుడని, ఆయన సేవలు చిరస్మరణీయమని ఈ సందర్భంగా పేర్కొన్నారు.

అంబేద్కర్ చూపిన సమానత్వం, న్యాయం, విద్యా ప్రాధాన్యత వంటి ఆశయాలను ప్రతి ఒక్కరూ ఆచరణలో పెట్టాలని పిలుపునిచ్చారు.

ఈ కార్యక్రమంలో అంబేద్కర్ యువజన సంఘం సభ్యులు, యువకులు, గ్రామ పెద్దలు మరియు ఇతరులు పాల్గొన్నారు.