ట్రినిటీ స్కూల్ ప్రాంగణంలో ఘనంగా నిర్వహణ

రాష్ట్ర స్థాయికి ఎంపికైన ఉమ్మడి జిల్లా క్రీడాకారులు

యాదాద్రి భువనగిరి జిల్లా చౌటుప్పల్‌లోని ట్రినిటీ హైస్కూల్ ప్రాంగణంలో ఉమ్మడి నల్గొండ జిల్లా స్థాయి ఎస్‌జీఎఫ్‌ఐ (స్కూల్ గేమ్స్ ఫెడరేషన్ ఆఫ్ ఇండియా) అండర్-14, అండర్-17 బాల, బాలికల మల్కంబ్ ఎంపిక పోటీలు మంగళవారం ఘనంగా నిర్వహించారు. ఈ పోటీలలో వివిధ పాఠశాలలకు చెందిన విద్యార్థులు ఉత్సాహంగా పాల్గొని తమ క్రీడా నైపుణ్యాన్ని ప్రదర్శించారు. ఇక్కడ ఎంపికైన ప్రతిభావంతులు రాబోయే తెలంగాణ రాష్ట్ర స్థాయి ఎస్‌జీఎఫ్‌ఐ మల్కంబ్ పోటీలలో ఉమ్మడి నల్గొండ జిల్లా తరఫున ప్రాతినిధ్యం వహించనున్నారు.​ఈ సందర్భంగా చౌటుప్పల్ మండల విద్యాశాఖాధికారి (ఎంఈఓ) గురువారావు మాట్లాడుతూ... మల్కంబ్ క్రీడ విద్యార్థుల్లో శారీరక దృఢత్వం, సమతుల్యత, ఏకాగ్రత, క్రమశిక్షణను పెంపొందిస్తుందన్నారు. పాఠశాల స్థాయి నుంచే క్రీడాకారులను గుర్తించి ప్రోత్సహించడమే ఈ పోటీల ముఖ్య ఉద్దేశమని తెలిపారు. విద్యార్థులు చదువుతో పాటు క్రీడల్లోనూ రాణించాలని, భారతీయ సాంప్రదాయ క్రీడ అయిన మల్కంబ్‌ను ప్రోత్సహించాలని కోరారు.

​రాష్ట్ర స్థాయి పోటీలకు ఎంపికైన క్రీడాకారులు:

​అండర్-14 బాలికలు: ఎన్. వైష్ణవి, ఎం. మేఘన, పి. హారిణి, కె. కావ్య శ్రీ, చ. హర్షిత, ఎన్. నిత్య శ్రీ.

​అండర్-14 బాలురు: బి. చరణ్, వేదమానస్, డి. యశ్వంత్, చ. విఘ్నేష్, చ. సంజయ్ కుమార్, బి. ఆదిత్య.

​అండర్-17 బాలురు: చ. దీక్షిత్, యు. రాధే శ్యామ్, పి. శశాంక్, జి. చిద్విలాస్, కె. కరణ్, ఎ. సాయికార్తిక్.

​అండర్-17 బాలికలు: ఎ. ఆకాంక్ష, ఎన్. మోక్షిత, కె. కృతిక, ఎ. వైష్ణవి, ఎస్. సహితి, జి. ప్రణవి.​ఈ కార్యక్రమంలో పీఈటీఏ రాష్ట్ర అధ్యక్షుడు కృష్ణమూర్తి, ఎస్‌జీఎఫ్ మండల కార్యదర్శి లింగయ్య, కోయలగూడెం జెడ్‌పీహెచ్‌ఎస్ ఉపాధ్యాయుడు మట్టయ్య, ట్రినిటీ హైస్కూల్ చైర్మన్ కె.వి.బి. కృష్ణారావు, ప్రిన్సిపాల్ ఉజ్జిని మంజుల, తెలంగాణ మల్కంబ్ అసోసియేషన్ కార్యదర్శి ఎం. గోపాల్, వివిధ పాఠశాలల పీఈటీలు పాల్గొని విజేతలను అభినందించారు.